ब्रेकिंग

देश

कर्नल सोफियांबाबत वादग्रस्त विधान

Samruddhi Dhayagude
15 May 2025

मंत्री विजय शाह यांच्यावर गुन्हा दाखल करण्याचे आदेश

भोपाळ : कर्नल सोफिया कुरेशी यांच्या बाबत वादगस्त विधान करणारे मध्य प्रदेशचे मंत्री विजय शाह यांच्याविरोधात गुन्हा दाखल करण्याचे आदेश बुधवारी उच्च न्यायालयाने दिले.

कर्नल सोफिया कुरेशी या दहशतवाद्यांच्या बहिण आहेत, असे वादगस्त विधान विजय शाह यांनी केले होते. नंतर त्या माझ्या बहिण आहेत, असे सांगून सारवासारव केली होती. यानंतर उच्च न्यायालयाने या प्रकरणाची स्वत:च दखल घेत शाह यांच्यावर गुन्हा दाखल करण्याचे आदेश दिले आहेत.

न्यायाधीश अतुल श्रीधरन यांच्या अध्यक्षतेखालील विभागीय खंडपीठाने राज्याच्या पोलिस महासंचालकांना आदेश देताना सांगितले की, विजय शाह यांच्यावर तत्काळ एफआयआर दाखल झाली पाहिजे. तसेच या प्रकरणी राज्याचे महाधिवक्ता प्रशांत सिंह यांनाही सक्त आदेश दिले आहेत. तसेच कोणत्याही परिस्थितीत एफआयआर दाखल झाली पाहिजे, असे सांगितले.